З великов радостёв путовали сьме 25. мая с. р. у Дебрецен, де у Аґрарнум ресторанї на теріторії Універзітета аґрарных наук держали сьме нашоє сято. Гостюв зобрало ся дас 250, на сесь раз сидїли сьме за столами.
сь раз сидїли сьме за столами. Сято, ги все, зачало ся з бесїды предсїдателя Вседержавного Русинського Самосправованя Віктора Крамаренка, котрый подяковав за притомность, повідав за дїятельство ВРС и просив вшыткых пуйти на выборы и голосовати по совістї на выбрану лішту и депутатув.
по совістї на выбрану лішту и депутатув. По сёму выступив з привітственов бесїдов Др. Ласлов Повшан, предсїдатель Комісії за културу Парламента Мадярщины. Вун говорив за капчаня Русинув з Мадярами, з Мадярщинов. Удїлив, же наша нація мала велику ролю у історії Мадярщины и выразив свою надїю на то, што Русины и дале будуть значнов націоналностёв у нашуй державі.
Сято продовжовало ся културнов проґрамов, бавив Андраш Зан, віолончеліста, пак у залї установили мобілнї образы Исуса и Сятуй Марії, поклали малый алтарь и свічкы, сым кіпом мож было справляти службу, Паракліс правив Єго Преосященство Фюлеп Кочіш, митрополіт Гайдудороґськуй Ґрекокатолицькуй Митрополії. У сятуй бесїдї митрополіт говорив за сятоє щастя Сятуй Марії, за щастя, ибо вірила у Бога. Она не мала легкый жывот, ї щастя было не од легкого жывота, не од богатства, а од віры.
По Службі митрополіт посятив сяточный обід. Файну атмосферу пуд час сяточного обіда застачали гудакы Віктор Шостак (гуслї) и Гергей Демйен (танґо акордеон). Співали русинські співанкы жона и донька отця Михаила Тіводора Анастазія и Александра, участницї фолклорного ансамбла „Русины”.
Ня сятї были притомнї меже иншыма Віра Ґіріц, посланик Русинув у Парламентї Мадярщины, Петро Медвідь, совітник за русинську спольность презідента Словакії, репрезентант Пудкарпатя на Світовум Конґресі Русинув, Микола Бобинець, предсїдатель Реґіоналного русинського самосправованя жупы БоршодАбов-Земплин и РНС Мішколца Марія Соноцька, предсїдателї, пудпредсїдателї и депутаты другых русинськых самосправовань.

Главнї покровителї Русинського Націоналного Сята:
Мікловш Шолтес, держсекретарь з вопросув реліґійных и націоналных капчань,
Др. Ласлов Повшан, предсїдатель Комісії за културу Парламента.
Покровитель сята: Віра Ґіріц, посланик Русинув у Парламентї Мадярщины.
Сято пудпоровав Фонд Ґабора Бетлена, нумер ґранта NKUL-KP-1-2024/3-000416.

Віктор Ґіріц